مرحلة المقابلة في منحة WUSC
- مدة المقابلة بتكون من 30 ل 60 دقيقة
- بتكون باللغة الإنجليزية مع وجود مترجم في حال حبيت ترجم كلمة أو نسيت شي)
- بيكون موجود شخص من المنحة وشخص من الأمم على الأقل
- لازم تاخد/ي كل أوراقك الثبوتية وشهادات تطوعاتك معك
الأسئلة منقسمة ل 3 أنواع
1 - الأسئلة الشخصية
- الأسم
- العمر
- مدينتك
- تاريخ خروجك من سوريا
- سبب خروجك
- شو اشتغلت ومن ايمت لايمت
- شو التطوعات الي قدمتها ووين وايمت
- اديش صرلك ما نزلت عسوريا واذا نزلت ليش؟
- الخ..
2 - الاسئلة الخاصة بالتعليم
- شو درست بسوريا او حالياً
- ليش وقفت دراستك
- شو حابب تدرس بكندا وليش
- وفي حال ما قدرنا نسجلك بهالاختصاص شو البديل عندك
- وفي حال ما قدرنا نسجلك بالبديل شو بديل البديل
- كيف تعلمت انجليزي وكيف عملت لغتك قوية
- الخ...
3 - الأسئلة الحياتية
- أمك شو ردة فعلها بسبب سفرك حتكون وكيف انت رح تتقبل غيابك عن أهلك
- اذا تعرضت للعنصرية بكندا كيف رح تتصرف
- كيف رح تكون انسان فعّال بكندا؟
- كيف رح تتعايش مع ثقافة جديدة عليك
- بتفكر ترجع بيوم من الٱيام عسوريا؟
- الخ...
ملاحظات مهمة
- المقابلة مو امتحان وما بده تحضير لأن الاسئلة بتكون عنك انت وعن حياتك انت
- كل شخص لازم يكون صريح وصادق معهن ويجاوب الي بيريحه
- الأسئلة مارح تجي نفسها حرفياً. يعني مارح يمسكو ورقة عليها أسئلة ويبلشو يمتحنوك. الاسئلة اغلبها بتكون عفوية وبتجر بعضها
- ويمكن تكون مختلفة من شخص للتاني
- حاول/ي تحكي انجليزي أد ما فيك. هنن مابدن يختبروا انجليزيتك. هنن بس بدن يسمعو الكلام منك مش من مترجم
- الأفضلية للشباب الي مش متزوجين. مش مخلصين جامعة. المستقليين مادياً(قادر يعتمد على نفسه)
- إذا معك شهادة من معهد أو جامعة حاول تكون صريح/ة معهم لأن أي شي بتخبيه ممكن يأثر على قبولك.